Inatsiseqarneq
Uani inuusuttutut imaluunniit inersimasutut naqinnernik ilisarsisinnaanngitsutut allatigullu atuarniarnermik allanniarnermillluunniit ajornartorsiutilittut pisinnaatitaaffitit pillugit ilisimasat nassaarisinnaavatit.
Indhold
Ullumikkut Kalaallit Nunaanni immikkut inatsiseqanngilaq, naqinnernik ilisarsisinnaanngitsut pisinnaatitaaffiinik qulakkeerinnittumik. Inatsiseqarnikkut suliniut nutaaq Iliuusissatut pilersaarutip ilagivaa.
Inuit naqinnernik ilisarsisinnaanngitsut Innarluutilinnut inatsit atorlugu sullinneqartarput. Innarluutilinnut inatsit kikkunnut tamanut atuuppoq, qanoq ukioqarnerat apeqqutaatinnagu.
Kisiannili Innarluutilinnut inatsitsip inunnut allatigut atuarniarnermikkut allanniarnermikkullu ajornartorsiutilinnut atuunnera killeqarpoq. Tamatumunnga patsisaavoq ajornartorsiutit taakkua inatsimmik tassannga paasinninneq malillugu ajornartorsiutitut isigineqanngimmata.
Aammattaaq Innarluutilinnut inatsit aqqutigalugu ikorfartorneqartussaagaanni uppernarsaateqartoqartussaavoq. Kalaallit naqinnernik ilisarsisinnaannginnermut misiligutaannik ineriartortitsilluta maannakkut suliaqarpugut, taannalu ajornartorsiummut uppernarsaatitut atorsinnaajumaarpoq.
Inatsisiliornikkut nutaanik saqqummertoqaraangat qupperneq una nutarterneqartarumaarpoq.