Allattaatsimik ajornartorsiuteqarneq
Allattaatsimik ajornartorsiuteqarneq isumaqarpoq allatanik paasinninnermik, atuarnermik imaluunniit allannermik ajornartorsiuteqarneq. Paasiuminarsaaneq, paasinninneq imaluunniit allallugit suliat ajornartorsiutaasinnaapput – imaluunniitt taakkua ataatsikkut ajornartorsiutaasinnaapput.
Indhold
Allattaatsimik ajornartorsiuteqarneq suua?
Ajornartorsiutit annikitsuusinnaapput annertuujullutilluunniit. Sivikitsumik atuuttuartumilluunniit ajornartorsiutaasinnaapput. Unamminartut qanoq annertutiginerinik misigisaqarnermut avatangiisit piumasaqaataat inuullu nammineq oqaatsitigut piginnaasaqarfigeriigai apeqqutaasarput.
Allannermik ajornartorsiutit pilersarput atuarnermut allannermullu piumasaqaatit nammineq piginnaasaniit annertuneruleraangata.
Sunniuteqartartut marluk immikkut taaneqassapput: avatangiisit oqaatsinik atuiffiusut aamma oqaatsinik ilikkagaqarniarnermi ajornartorsiuteqarneq.
Oqaatsinik atuiffiusut
Inooqatigiit alliartorfigisat ilinniagaqarfigisallu oqaatsit ineriartortinnerinut annertuumik sunniuteqartarput. Inooqatigiit oqaatsinik pitsaasumik atuisut eqqissisimalersitsisarput ilinniarnermillu aaqqissuussamik pilersitsisarlutik. Avatangiisit taama ittut kikkut tamarmik oqaatsinik atuinissaannut periarfissaqalersitsisarput.
Aamma qanoq iliuuseqaqatigiinnerit apeqqutaasarput. Assersuutigalugu inersimasut meeqqat paasinninnissaat ikorfartorumallugu nipituumik atuffassinnaavaat, assinik atuisinnaapput timertillu ussersuutigisarlugu.
Oqaatsinik ilinniagaqarniarnermik ajornartorsiutit
Oqaatsinik ilinniagaqarniarnermi ajornartorsiutit inunngornermiit pigineqareertarput, oqaatsinillu ilinniagaqarniarneq atuinerlu ataavartumik ajornartorsiutaasarpoq.
Naqinnernik ilisarsisinnaannginneq
Naqinnerit taakkualu nipaasa katigunniarnerat ajornartorsiutaasarpoq. Tamatuma atuarneq naqinnernillu atuaaneq ajornakkusoortunngortittarpaa.
Oqaatsitigut akornuteqarnerit
Oqaatsit oqalulluni atorneqartut paasiuminaatsinneqartarput, atoruminaatsinneqartarput imaluunniit oqaasinnguisinnaaneq ajornartorsiutaasarpoq. Oqaatsinik akornuteqarneq nalinginnaanerpaaq tassaavoq DLD (Developmental Language Disorder).
Ilinniartitsinerit atuartitsinerlu
Meeqqat, inuusuttut inersimasullu allattaatsimik ajornartorsiuteqartut inuttut allatuulli assigiinngitsorujussuusarput. Pisariaqartitaat allanngorartorujussuupput – atuarfimmi, suliffinni sunngiffimmilu.
Sulisut ilinniagallit ilinniartitsinernik peqataatitsiffiusunik pilersitsisariaqarput, kikkut tamarmik ineriartorfigalugillu taamaaqqatigiillutik peqataaffigisinnaasaannik. Atuartitsineq atuartut ataasiakkaat pisariaqartitaannut tulluarsartariaqarpoq ajornartorsiutillu ataasiakkaat aallaaviusariaqarlutik.
Allatat NVOL.dk -mit atugassiarineqarput.