Kalaallit naqinnernik ilisarsisinnaannginnermut misiligutaat

Misiligut sooq pisariaqartuua?

Naqinnernik ilisarsisinnaannginnermik allatigullu atuarniarnermik ajornartorsiuteqarnermik qulaajaanermi atortut ullumikkut pisariaqartinneqarput. Misiligutit kalaallisut oqaasertallit ukiuni amerlasuuni ujartorneqartarput – politikkikkut anguniakkani innuttaasullu oqariartuutaanni tamanna ersarissumik takuneqartarpoq.

Naqinnernik ilisarsisinnaanngitsutut suussusersiffigineqarneq inuit eqqortumik ikiorserneqarnissaannut inuiaqatigiinnilu akuullutik peqataanissaanut aalajangiisuusinnaavoq. Naqinnernik ilisarsisinnaanngitsutut suussusersiffigineqarnikkut inuit ilaasa ilikkagaqarniarnikkut ajornartorsiortutut misigisarnerat akuerineqartarpoq, siunnerfilimmillu ikorfartorneqarnissaat tunngavissaqalertarluni.

Ullumikkut qulaajaanermi atortut eqqortut pigineqanngimmata ikiorneqarnissamut ikorfartorneqarnissamullu periarfissat killeqartorujussuupput. Asersuutigalugu Innarluutilinnut inatsit aqqutigalugu ikiorserneqarnissamut piumasaqaataavoq piginnaanikillisimaneq uppernarsarneqassasoq — maannakkullu kalaallit naqinnernik ilisarsisinnaannginnermut misiligutaateqanngillat, tamatumunnga uppernarsaataasinnaasumik.

Suliatsinni sumut killippugut?

Misiligut maannakkut ineriartortinneqarpoq. Suliap ingerlannera ilutigalugu qupperneq una ingerlaavartumik nutartertarparput — misiligutip qaqugu atugaalernissaa qanorlu iserfigineqarnissaa ilanngullugit.

Misiligut imaluunniit misiligutip qanoq ingerlanneqarnissaa pillugit apeqqutissaqarpit?

Attaveqarfiginissatsinnut qupperneq aqqutigalugu attaveqarfigitigut.