Naqinnernik ilisarsisinnaannginneq
Naqinnernik ilisarsisinnaannginneq piginnaasakillineruvoq ataavartoq. Naqinnerit nipillu katigunniarnerat ajornartorsiutaasarpoq – taamaattumillu atuarneq naqinnernillu ataasiakkaarineq ajornartorsiutaasarput. Naqinnernik ilisarsisinnaannginnerup annertussusaa assigiinngitsorujussuusinnaasarpoq, annikitsumit annertuumut ajornartorsiutaasarami.
Indhold
Naqinnernik ilisarsisinnaannginneq suua?
Naqinnernik ilisarsisinnaannginneq ilikkagaqarniarnikkut ajornartorsiutaavoq. Allassimasunik paasinnissinnaaneq sunniuteqarfigisarpaa. Naqinnernik ilisarsisinnaanngitsut atuarsinnaanermik allassinnaanermillu piginnaasaqalerniarnerat ajornakusoortorujussuusinnaavoq - ajornarluinnanngilarli.
Anguniagaqarluni atuartitsisoqartariaqarpoq aammalu atuarnermut allannermullu teknologii atortariaqarluni. Naqinnernik ilisarsisinnaannginneq inummiit inummut assigiinngitsuuvoq. Ilaasa oqaatsinik paasinnissinnaanertik aamma ajornartorsiutigisarpaat, tamatumalu ikiuutinik digitaaliusunik, soorlu atuffassissutinik, tamakkiisumik iluaqutissarsisinnaaneq ajornakusoortilersinnaasarpaa.
Atuarfimmi, ilinniarfinni sullivinnilu ammasuunerup peqataasitsinerullu naqinnernik ilisarsisinnaanngitsut atugarissaarnerulersittarpaat allallu taamaaqqatigalugit peqataalersittarlugit.
Naqinnernik ilisarsisinnaannginnermut ersiutit
Meeqqani
Naqinnerit-nipit katigunniarnerannik ajornartorsiuteqarneq
Arriitsumik atuarneq aamma nukippassuarneq atuineq
Nipituumik atuarusuttannginneq
Naqinnernik kukkusarnerit uteqattaartuusarput
Inersimasuni
Nuannaarutissarsiniarlutik qaqutikkut atuartarput
E-mail-inut immersugassanullu piffissaq sivisooq atortarpaat
Paasissutissat oqaasinngorlugit piumanerusarpaat
Atuarnermik ajornartorsiuteqarnerik toqqortorniarlugu periuseqartarput
Allatat NVOL.dk -mit atugassiarineqarput.