Naqinnernik ilisarsisinnaanngitsunut suliniutit imak kivissavagut
Isiginnaagassiami nutaami aammalu nittartakkami Naqinneq.gl-imi iliuusissiaq naqinnernik ilisarsisinnaanngitsunut qanoq isumaqarnersoq takutinneqarpoq.
Indhold
Kalaallit Nunaanni atortussiat ukiorpaalunni amigaataasimasut maanna pigilerneqassapput.
Naqinnernik ilisarsisinnaanngitsunut allatigullu allannikkut atuarnikkullu ajornartorsiuteqartunut iliuusissatut pilersaarut ukiuni 2025-2029 ingerlasussaq aallartinneqaleruttorpoq. Videomi nutaami nittartakkamilu Naqinneq.gl-imi tamanna qanoq pinersoq takusinnaavat.
Tamanna naqinnernik ilisarsisinnaanngitsunut qanoq isumaqarnersoq isiginnaagassiami oqaluttuarineqarpoq. Soorlumi ilaata oqaatigigaa: ”Tamatta inuuvugut tamattalu atorfissaqartinneqarpugut”.
Makku suliat aallartipput
Naqinnernik ilisarsisinnaanngitsunut misiligut kalaallisoortoq aamma qallunaat misiligutaannut atuisinnaalerneq
Allannermut atuarnermullu ikiuut IntoWords, allatanik atuaasinnaasoq oqaatsinillu siunnersuuteqarsinnaasoq
Inatsisit pisinnaatitaaffinnik qulakkeerisussat
Ilinniartitsisut siunnersortillu pitsaanerusumik ilinniagallit
”Pilersaarutip susassaqarfiit akimorlugit annertusisamik suliniuteqarnissatsinnut pisussaaffilerpaatigut, kinaluunniimmi arajutsineqassanngimmat” Nivi Olsen, Ilinniartitaanermut, Kultureqarnermut, Timersornermut Ilageeqarnermullu Naalakkersuisoq oqarpoq.
Ilisimasat atortussiallu quppernermi ujakkit.